साउन ३,काठमाडौंको स्वयम्भू, हल्चोकमा कन्टेनर गाडीले मोटरसाइकललाई ठक्कर दिँदा एक जनाको घटनास्थलमै मृत्यु भएको छ । मृत्यु हुनेमा गोरखाको सुलकोटका ६६ वर्षीय मोहन पनेरु छन् ।
गएराति ७ बजे सितापइलाबाट वनस्थलीतर्फ जाँदै गरेको बा ९६ प ५९३७ नम्बरको मोटरसाइकललाई सोही दिशातर्फ जाँदै गरेको ना ६ ख ५६४८ नम्बरको कन्टेनरले ठक्कर दिँदा मोटरसाइकलको पछाडि सवार उनको मृत्यु भएको हो ।
महानगरीय ट्राफिक प्रहरी महाशाखाका अनुसार दुर्घटनामा मोटरसाइकल चालक ३२ वर्षीय रन्जित तिमल्सेना सामान्य घाइते भएका छन् । तिमल्सेनाको मनमोहन अस्पतालमा उपचार भइरहेको प्रहरीले जनाएको छ ।
घटना संलग्न दुवै सवारी साधन र कन्टेनर चालकलाई महानगरीय प्रहरी वृत्त, स्वयम्भूमा राखिएको छ ।(रासस)
