निगरानी न्युज ।
बलिउडको हिट फिल्म ‘बधाई हो’ को सिक्वेल बन्ने भएको छ ।
सन् २०१८ मा रिलिज भएको फिल्म सिक्वेलको आधिकारिक निर्माणको घोषणा गर्दै निर्माण कम्पनी जंगली पिक्चर्सले फिल्म सन् २०२१ को जनवरीमा छायांकन हुने जानकारी गराएको छ ।
‘बधाई दो’ नाम राखिएको फिल्ममा अभिनेता राजकुमार राव र नायिका भूमि पेडनेकरको मुख्य भूमिकामा पक्का रहने भएको छ ।
‘बधाई दो’ मा राव प्रहरी अफिसर्सको भूमिकामा देखिँदै छन् । महिला थानामा एक्लो प्रहरी अफिसर्सको भूमिकामा देखिन लागेका राजकुमारको भूमिका रोचक हुने बताइएको छ ।
हर्षवर्धन कुलकर्णीको निर्देशनमा तयार हुने फिल्मको कथा अक्षत घिल्डियाला र सुमन अधिकारीले लेखेका हुन् । फिल्ममा भूमिले एक स्कूलको पीटी शिक्षकको भूमिका निर्वाह गर्ने भएकी छन् ।
‘बधाई हो’मा अभिनेता आयुष्मान खुराना र अभिनेत्री सान्या मल्होत्राको अभिनय रहेको थियो ।
