काठमाडौं ।
प्रतिनिधिसभा विघटनविद्ध परेका रीटको सुनुवाइका लागि मंगलबार संवैधानिक इजलासमा पेशी तोकिएको छ । आइतबार न्यायाधीशबारे नै बहस भएपछि विघटनविरुद्धको मुद्धा मंगलबार पेसीका लागि तोकिएको छ ।
आइतबारको रिट निवेदकतर्फबाट बहसमा सहभागी भएका वकिलहरुले संवैधानिक इजलासको गठनमाथि प्रश्न उठाएका छन् ।
बसहको सुरुवातमा अधिवक्ता गोविन्द बन्दीले इजलासमा न्यायाधीशहरु बमकुमार श्रेष्ठ र तेजबहादुर केसीलाई राखिएकोमा प्रश्न उठाएका थिए । अहिलेको राजनीतिक परिस्थिति उत्पन्नसँगै नेकपा विभाजन गर्ने सर्वोच्चको फैसलामा श्रेष्ठले त्यो आदेश दिएको र केसीले त्यसमाथि पुनरावलोकन दिन अस्वीकार गरेको भन्दै अधिवक्ता बन्दीले दुवै इजलासमा हुन नपर्ने माग राखेका छन् ।
बन्दीपछि वरिष्ठ अधिवक्ता शम्भु थापाले पनि यस विषयमा प्रष्ट पारेका थिए । प्रधानन्यायाधीश चोलेन्द्र शम्शेर जबरा राणाले ‘त्यो फैसला र यो मुद्दामा के जोडिएको छ ? यसरी बहस गर्न मिल्दैन ।’ भनेका थिए ।
साथै, प्रधानन्यायाधीशले अरुलाई झैं प्रश्न गरे, मेरो के हुन्छ ? भन्दै प्रश्न गरेका थिए । थापाले ‘लिभमा बसे भैहाल्छ’ भन्दै जवाफ दिएका थिए ।
संसद् विघटनसम्बन्धीको मुद्धा मंगलबार पेशीमा तोकिएको छ भने संवैधानिक इजलासमा न्यायाधीशहरु श्रेष्ठ र केसी रहने÷नरहनेबारे सोमबार निर्णय हुने बताइएको छ।
