काठमाडौं।
प्रदेश नं २ को प्रदेशसभाको छैटौं अधिवेशनको पहिलो बैठक आज बस्ने भएको छ ।प्रदेश २ सरकारले प्रदेशसभाको चालु पाँचौ अधिवेशन अन्त्य गरेपछि बजेट अधिवेशन आह्वान गरिएको छ ।मन्त्रिपरिषद्को सिफारिसमा प्रदेश प्रमुख डाक्टर राजेश अहिराजले प्रदेशसभाको बजेट अधिवेशन आह्वान गर्नुभएको हो ।प्रदेशसभा सचिवालयका निमित्त सचिव रञ्जित यादवका अनुसार बैठकमा दलका नेताहरूले शुभकामना दिने र आर्थिक मामिला तथा योजनामन्त्री विजय यादवले आव २०७८/७९ का लागि तयार गरिएको पूर्वबजेटको दस्तावेज टेबल गर्ने कार्यसूची छ ।प्रदेश सरकारले आर्थिक वर्षको बजेट असार १ गतेभित्र पेस गरिसक्नुपर्ने संवैधानिक प्रावधान छ ।
